Kush ishte shënjestra? Makina e parkuar pranë banesës shpërthen në flakë (Dyshimet e para)

Një makinë në Tepelenë është përfshirë nga flakët, ndërsa ka qenë e parkuar në afërsi të banesës së pronarit të saj. Dyshohet se ngjarja ka qenë e qëllimshme, ndërsa kanë nisur hetimet për zbardhjen e rrethanave të rënies së zjarrit që ka djegur pjesërisht makinën.

Njoftimi:

Rreth orës 20:30, në fshatin Luzat, Tepelenë, përpara banesës së shtetasit M. Gj., ka marrë flakë dhe është djegur pjesërisht automjeti tip “Volkswagen Passat”, në pronësi të shtetasit M. Gj. Në momentin e përfshirjes nga flakët automjeti ka qenë i parkuar.

Në vendngjarje ndodhet grupi hetimor, i cili po punon për përcaktimin e shkaqeve të rënies së zjarrit.