E bujshme! Skenari i papritur që po “trazon” Moskën, ja kush është gruaja që do të zërë vendin e Vladimir Putinit në krye të Rusisë

Pushtimi rus i Ukrainës ka ngritur frikën mbi stabilitetin mendor të Presidentit Vladimir Putin. Akti i pacipë i luftës së bashku me fjalimet maniake të transmetuara në mediat shtetërore kanë bindur analistët se diktatori rus po vepron në mënyrë të paarsyeshme. Urdhri i tij që parandalimi bërthamor i Rusisë të vihej në gatishmëri të lartë dhe kërcënimi i tij i nënkuptuar për luftë bërthamore nëse Perëndimi ndërhyn në pushtimin e Ukrainës,

madje në dukje tronditi stafin e tij ushtarak. Shumica e autokracive janë çuditërisht të qëndrueshme. Edhe pasi udhëheqësit autoritarë vdesin në detyrë, regjimet e tyre mbijetojnë shpesh për vite apo edhe dekada. Por tranzicioni i lidershipit në Rusi ka potencialin të jetë shumë kaotik. Dhe në rastin e një superfuqie bërthamore që aktualisht po zhvillon një luftë brutale kundër vendit të dytë më të madh në Evropë,

edhe një mundësi modeste e kolapsit të regjimit është shkak për një shqetësim global. Me rritjen e aksioneve dhe presionin e Perëndimit mbi ekonominë ruse, shanset që Putini të largohet nga pushteti me një grusht shteti janë bërë më të mundshme. Në fakt, Cari rrezikon shumë. Lufta çoi në fillimin e një procesi diskutimi në planet e tjera të pushtetit rus që vështirë se mund të ndalet me shtypje, kërcënime apo arrestime. Por Putin përpiqet të ecë përpara duke propozuar vetë pasardhësin e tij.

Putin pritet ta zgjedhë vetë pasardhësin e tij

Një nga skenarët që mund të zvogëlojë pasigurinë, është nëse Putini do të bënte një largim të planifikuar, për shembull për arsye shëndetësore dhe do të caktonte një pasardhës. Kjo do t’i jepte mundësi Putinit të unifikonte grupet rivale elitare, dhe në këtë mënyrë të rriste shanset për një vazhdimësi të rregullt. Diçka po lëviz në Moskë, ku Katerina Tikhonova ,

vajza e Vladimir Putinit , del në skenë për herë të parë. Fëmija i dytë i presidentit rus është emëruar bashkëkryetar i Këshillit të ri të Zëvendësimit të Importit. Ky është një institucion me rëndësi jetike pasi u krijua nga Cari për t’u përballur me sanksionet perëndimore. Me të, në krye të organit të Konfindustrisë Ruse, Aleksandr Shokin , president i Unionit të industrialistëve dhe sipërmarrësve.

Objektivi i Këshillit për ta bërë Rusinë autonome në të gjitha aspektet, një ndërmarrje shumë e vështirë. Por ajo që është e dyshimtë është arsyeja pse Putini, i cili asnjëherë nuk e ka njohur zyrtarisht atësinë e dy vajzave që kishte Lyudmila Putina, ka vendosur t’i afrohet njërës prej tyre në Kremlin. Arsyet mund të jenë të ndryshme: ndër hipoteza nevoja e presidentit për t’u rrethuar me njerëz të besuar. Ose atë të përgatitjes së vajzës për një “sukses” të mundshëm. Nuk është e re teoria se Katerina është caktuar si “trashëgimtare natyrore” dhe zëvendësuese e mundshme e Putinit në krye të Rusisë.

Përveç diplomimit në shkencat fizike dhe matematikore dhe që ka qenë drejtuese e Institutit për Kërkime në Fushën e Inteligjencës Artificiale në Universitetin e Moskës, Katerina është një kërcimtare akrobatike. Pas ndarjes nga djali i një oligarku të afërt me babain e tij, Kirill Shamalov, Katerina dyshohet se është në lidhje me Zelensky. Megjithatë, jo Volodimir, pasi emri i të dashurit të supozuar është Igor, një balerin i njohur. Me pak fjalë, Putini mund të marrë frymë lehtësisht, presidenti i Ukrainës, të cilit i ka shpallur luftë, nuk ka të bëjë fare me të.

Jeta publike e vajzave sekrete të Putinit

Zyrtarisht nuk është folur kurrë për to dhe Putini në disa raste u kufizua duke thënë se vajzat flasin rrjedhshëm gjuhë të ndryshme, ndjekin karrierën e tyre dhe jetojnë në Rusi. Ishte shkruar që Maria ishte martuar me një sipërmarrës holandez dhe se Katerina kishte bashkuar forcat me djalin e një miku të ngushtë të Putinit, Nikolai Shamalov.

Sidoqoftë, të dyja tani përdorin mbiemra të tjerë. Ndërsa gruaja e tij Lyudmila, do të martohej përsëri me një sipërmarrës që është 20 vjet më i ri se ajo dhe do të jetonte në një lloj kështjelle në Biarritz në Francë. Ndërkohë, Alina Kabayeva, thuhet se lindi i tre fëmijë presidentit dhe se ai u martua fshehurazi me të. Shtypi ndërkombëtar ka raportuar se Alina, si një atlete e thjeshtë, bëri një karrierë të jashtëzakonshme dhe tani është kreu i njësisë që kontrollon disa nga kanalet kryesore televizive dhe që është në pronësi të oligarkëve dhe miqve të Putinit.