Sheikh Khalifa bin Zayed Al Nahyan, presidenti i Emirateve të Bashkuara Arabe vdiq të premten në moshën 73-vjeçare, raportojnë mediat.

“Ministria e Çështjeve Presidenciale ngushëllon popullin e Emirateve të Bashkuara Arabe, kombin arab dhe islamik dhe botën për vdekjen e Lartësisë së Tij Sheikh Khalifa bin Zayed Al Nahyan, presidentit të Emirateve të Bashkuara Arabe”, thuhet në një deklaratë të WAM.

Po ashtu autoritetet shpallën ditën e sotme, ditë zie dhe flamujt u valvitën në gjysmë shtizë në nder të Sheikut.

Sheikh Khalifa bin Zayed Al Nahyan shërbeu si president i Emirateve të Bashkuara Arabe dhe sundimtar i Abu Dhabit që nga 3 nëntori i vitit 2004.

Roli i Sheikh Khalifa kishte qenë kryesisht ceremonial që kur ai pësoi një goditje në tru dhe iu nënshtrua një operacioni në vitin 2014. Vëllai i tij dhe princi i kurorës së Abu Dhabit, Sheikh Mohammed bin Zayed, është parë gjerësisht si udhëheqësi de-fakto i Emirateve të Bashkuara Arabe, duke e trajtuar çdo ditë. çështjet ditore për shtetin e Gjirit.