Moti i keq është kthyer sërish në Shqipëri! Duke nisur nga e hëna janë rikthyer reshjet e shiut dhe të dëborës, ndërsa në të gjithë vendin janë kthyer masat ajrore të ftohta.

Shërbimi Meteorologjik Ushtarak ka bërë me dije se që nga nesër do të hyjnë në qarkullim masat ajrore të qendrueshme më të ftohta, ndërsa ngrica do të pushtojë të gjithë vendin.

Advertisements

Temperaturat e ajrit sot kanë regjistruar -5 në zonat malore, ndërsa maksimunim e kanë arritur deri në 10 gradë. Era kryesisht do të fryjë nga kuadrati i veriut mesatare dhe përkohësisht e vrullshme në bregdetin jugor. Valëzimi i forcës 3-4 ballë. Megjithatë këto masa ajrore nuk do të zgjasin. Nga e mërkura dhe në vijim moti do të jetë me kthjellime dhe kalime vranësirash të cilat në zonat malore do të sjellin dëborë të pakët.