Situata mbetet e tensionuar mes Ukrainës dhe Rusisë. Me anë të një postimi ambasada Amerikane në Tiranë ka bërë një thirrje të fortë duke i bërë jehonë deklaratave të Presidentit të Shteteve të Bashkuara, Joe Biden, për bisedën që ai ka zhvilluar me Presidentin rus Vladimir Putin të shtunën.

Në këtë bisedë, ambasada amerikane thotë se Biden e ka bërë të qartë se nëse Rusia pushton Ukrainën, Shtetet e Bashkuara dhe aleatët tanë do t’i imponojnë Rusisë pasoja të shpejta dhe të rënda.

Advertisements

Presidenti Biden nxiti Presidentin Putin që të angazhohej në ndaljen e përshkallëzimit dhe diplomaci.

“Ne vazhdojmë të nxisim diplomacinë si rrugën më të mirë përpara. Por me Rusinë që vazhdon grumbullimin e forcave të saj rreth Ukrainës, ne jemi gati për çfarëdo që të ndodhë”, tha Presidenti Joe Biden.