Kryeministri Edi Rama ka publikuar në rrjetet e tij sociale, fotot e dy fëmijëve teksa pozonin tek pema e Krishtlindjeve, e vendosur në qendër të sheshit “Skënderbe”. Krahas fotos së dy vogëluueshëve që përqafojnë njëri-tjetrin, numri një i qeverisë u bën thirrje të gjithëve që të qëndrojnë brenda dhe të respektojnë masat anti-COVID.
Pak pas publikimit të fotot, ka reaguar edhe babai i dy të miturve, pedagogu Arlind Qorri, i cili është shprehur i revoltuar që kreu i qeverisë u ka prishur privatësinë fëmijëve të tij, kur vetë ai kujdeset që të mos i ekspozojë kurrë fëmijët në rrjetet e tij sociale.
Advertisements
“Për të ruajtur njëfarë privatësie dhe për të mos hedhur grepin e lehtë të gjuajtjes së pëlqimeve në rrjetet sociale, deri më sot nuk kam postuar asnjë foto të fëmijëve të mi. Po ç’të shoh?! Sonte – pa kërkuar leje dhe pa grimë etike – imazhin e tyre e ka përdorur për propagandë ai që nuk ndalet përpara asgjëje. Amla dhe Blini, si të gjithë bashkëmoshatarët e tyre, janë fëmijë të bukur. Por nuk është më e tillë Shqipëria që Edi Rama dhe sëra e tij e kanë përçudnuar si mos më keq,”-shkruan Qorri.
Advertisements
Edhe pse babai i fëmijëve ka reaguar ashpër ndaj fotos, sërish ajo vijon dhe qëndron në profilin e kryeministrit Rama.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!