Kryebashkiaku i Tiranës, Erion Veliaj, foli në emisionin “Real Story”, të gazetarit Sokoll Balla, në News24, lidhur me largimin e Besa Shahinit si ministre Arsimi në ditën e parë të vitit të ri shkollor.

Veliaj tha se ky është një vendim ekskluziv i kryeministrit Edi Rama, i cili sipas tij, ka të drejtën e ndryshimeve ashtu si Edi Reja me skuadrën e tij të futbollit.

Advertisements

“Ky është një vendim ekskluziv i Ramës, siç është e drejta e Edi Rejës të ndryshojë skuadrën e tij. Më duket më se normale, që teksa futemi në fushatë, ata që s’do jenë pjesë e saj, të kalojnë stafetën te dikush që do jetë pjesë e fushatës. Besoj se secila prej ministreve tona të Arsimit, edhe Evisi që i uroj suksese, krahasuar me ata që s’kanë ndërtuar asnjë shkollë, janë dita me natën. Trajneri i ekipit tonë ka zgjedhur të bëjë një ndërrim të fundit të ndeshjes. Tentativa për të bërë gjëra ndryshe është gjithmonë e lavdëruar. Mund të dështojë, por të paktën nuk je kurrë pishman se dështove”, tha kryebashkiaku.

Më tej, Veliaj vlerësoi sjelljen e fëmijëve në ditën e parë të shkollës, duke thënë se ata do të emancipojnë edhe familjet e tyre.

“Pavarësisht entuziazmit të ditës së parë të shkollës, fëmijët ishin super korrektë. Jemi ndër paktat vende ku duhet t’iu themi të rriturve të sillen si fëmijët. Fëmijët do emancipojnë familjet e tyre. Kam shumë shpresë te fëmijët e këtij qyteti, kjo është arsyeja pse sot iu çova të gjithëve nga një letër të personalizuar”, u shpreh ai.

Advertisements

Pyetje: Një mësuese denoncoi se i bëhet presion…
Veliaj: Ka thënë një të vërtetë qesharake, të tipit ‘unë jam me Covid, pse nuk më keni ftuar në inaugurimin e shkollës’. Patjetër që ajo është me Covid dhe ne nuk e kemi ftuar. Edhe unë ato 3 javë të karantinës nuk u ftova, as vetëftova. Ka mësues që mund të prodhojnë idiotësi të tilla.

Pyetje: Ju i keni shpallur një sfidë Bashës, por ai iu ka injoruar…
Veliaj: Ky është problemi i tij, se injoron çdo sfidë, por do të vijë një ditë që do të ballafaqohemi.

Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

SHQIPERIA IME GRUP