Oriola Marashi dhe Eros Grezda prej muajsh janë kthyer në çiftin e preferuar të showbiz-it duke marrë vëmendjen e mediave dhe publikut. Ata ndajnë herë pas here momente të bukura nga pushimet dhe përditshmëria e tyre, duke na shkrirë të gjithëve zemrat.

Së fundmi, Oriola ndodhet në Turqi, ku po realizon një photo-shooting, duke na lënë pa fjalë, teksa ka pozuar me një fustan të bardhë, të shkurtër, që e bën të duket si Hirushja. Duke qenë se modelja ndodhet në një udhëtim pune, futbollisti nuk ndodhet me të, por edhe ai është mahnitur nga look-u i Oriolës.

Erosi ka shpërndarë një video të sajën në Instastory, duke e shoqëruar me këngën “Un amor” të Gipsy King. ta e kaluan bashkë karantinën në shtëpinë e Erosit në Kroaci, madje disa kohë më parë u përfol se futbollisti bëri që Oriola të heqë dorë nga ëndrra amerikane.

Po ashtu, thuhet se ata janë fejuar dhe këto thashetheme u përforcuan nga vetë modelja që postoi disa javë më parë disa foto në Instagram, ku binte në sy një unazë në gishtin e fejesës. Deri në momentin që do ta bëjnë publike, le të shijojmë fotot fantastike që na servirin në rrjetet sociale.

Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

SHQIPERIA IME GRUP