Ish-deputeti demokrat, Bardh Spahia, ka denoncuar shpenzimet e luksit të qeverisë. Në një postim në Facebook, ai shkruan, se ministri i Bujqësisë dhe Zhvillimit Rural, Bledi Çuçi, ka porositur një ambjent luksi për tarracën e ministrisë në muajin mars, kur Shqipëria po luftonte me COVID-19.

Sipas tij, edhe pse vendi ka 33 mijë të papunë, bujqërve u janë dëmtuar prodhimet dhe shumë biznese kanë falimentuar, qeveria mendon vetëm për luks.

Postimi i plotë

JA SI SHPENZOHEN PER LUKS QEVERITAR TAKSAT E SHQIPTAREVE!

Duket e pabesueshme që në kohë pandemie, kur sipas deklarimeve zyrtare ka 33 mijë të papunë për shkak të pandemisë, familje të tëra në vështirësi serioze e të rrrezikuara për humbje punë në muajt e ardhshëm; ka biznese që janë mbyllur ose janë zhytur edhe më thellë në borxhe; ka fermerë e fshatarë të cilëve mbyllja nga pandemia u coi dëm prodhimet, kur sipas OKB jemi vendi me shpenzimet më të ulëta në kohë pandemie, të jetë dikush kaq i papërgjegjshëm, sa të kryejë shpenzime të tilla luksi, sic duket ky projekt i realizuar për llogari të ministrisë së Bledi Cucit, për të patur ambiente luksoze relaksi në tarracën e ministrisë së bujqësisë dhe zhvillimit rural? Nën modelin e Edi Ramës, që prej ditës së parë, që shkeli në zyrë nuk pyeti për shpenzime nga taksat e shqiptarëve për shijen e tij të kushtueshme, vijojnë edhe bashkëpunëtorët e tij! Lekët e shqiptarëve shkojnë për luks, për koncesione e PPP, një model që nuk ndryshon edhe pse vendi është zhytur në krizë të thellë financiare e shëndetësore! Të paturp e kampionë makutërie nën heshtjen e strukturave ligjzbatuese!

Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

SHQIPERIA IME GRUP