Ai është padyshim një nga futbollistët më të mirë në botë. Cristiano Ronaldo së bashku me Messin prej vitesh kanë qenë në majat e fotbollit botëror.

Ish-lojtari i Sportingut të Lisbonës, Manchester United, Real Madrid dhe së fundmi i Juventus, është sportisti që fiton më shumë në një vit kalendarik, dhe kjo jo vetëm prej futbollit, por më së shumti prej marketingut dhe bizneseve që ka.

Sa herë mbyllet një sesioan kalendarik futbolli, fiton apo jo trofe, Ronaldo gjithmonë i bën vetes dhurata, e çfarë dhuratash ama. Nga ato që kushtojnë sa qimet e kokës.

Edhe pse e ka një makinë Bugati, ai ka menduar që të blejë një tjetër, me vlerë që thuhet se arrin deri në 10 milionë euro.

Portugezi ka publikuar në rrjete sociale foton ku shihet ulur krah makinës së tij luksoze, e cila njëkohësisht është dhe makina më e shpejtë në botë.

“Ti e zgjedh pamjen”, shkruan ai krahas postimit që ka marrë mbi 11 milionë pëlqime në më pak se 24 orë.

Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

SHQIPERIA IME GRUP