Janë dëmtuar nga persona ende të paidentifikuar nga organet e rendit varrezat e komunitetit, rom, ashkali dhe egjipas në komunën e Rahovecit, raporton Gazeta Express.

Kryetari i Komunës së Rahovecit, Smajl Latifi ka reaguar duke i ftuar organet e rendit që të ndricojnë këtë akt të cilin e ka quajtur çnjerëzor.

Advertisements

Ai ka kërkuar që autorët e këtij veprimi të turpshëm të dalin para drejtësisë.

“ E dënojmë fuqishëm dëmtimin e varrezave të komunitetit Rom, Ashkali dhe Egjiptas në komunën e Rahovecit. Ne qëndrojmë së bashku dhe solidarizohemi me komunitetet në Kosovë për të dënuar këtë akt të ulët të vandalizmit dhe përdhosjes. Distancohemi qartë nga veprime të tilla kriminale. Kosova është vendlindja jonë e përbashkët, e harmonisë dhe bashkëjetesës, andaj çdo akt i dhunës dhe shpërfilljes së integritetit njerëzor, e dënojmë fuqishëm”, ka shkruar në Facebook Latifi./Express/

Advertisements

Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

SHQIPERIA IME GRUP