Një lajm i mirë ka ardhur për të gjithë shqiptarët e Kosovës. Mediat lokale shkruajnë se liberalizimi i vizave për Kosovën mund të ndodhë vitin tjetër dhe kjo gjë ka ardhur pas një deklaratë të raportuesit për Kosovën në Bashkimin Europian, Peter Beyer.

Gjatë një vizitë në Prishtinë, ditën e sotme, Beyer tha Gjermania e përkrah këtë proces, por nuk konkretizoi asnjë datë.

“Ne e mbështesim procesin e liberalizimit të vizave për Kosovës dhe them se heqja e vizave mund të ndodhë vitin tjetër,”- tha ai.

Të njëjtën gjë deklaroi edhe deputeti tjetër gjerman, Christian Shmidt. Ky i fundit u shpreh Kosova i ka plotësuar kushtet për liberalizimin e vizave por nuk ka ende një datë të saktë se kur mund të ndodhë kjo gjë.

“Sa i përket liberalizimit të vizave e ka konfirmuar edhe Komisioni Europian se Kosova ka plotësuar të gjitha kushtet për liberalizim të vizave. Këshilli do ta diskutojë këtë çështje, por nuk e dimë kohën. Besoj se të gjithë e kuptojnë ndjeshmërinë që ka kjo temë,”- përfundoi ai.

Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

SHQIPERIA IME GRUP