Është zbardhur ngjarja e rëndë e ndodhur mbrëmjen e djeshme në Laç ku mbeti i pl agosur Edon Martini, 19 vjeç.

I riu u qëllua me pistoletë pranë një lokali në hyrje të Laçit dhe u soll me urgjencë drejt Tiranës, ku ndodhet në spital në gjendje të rëndë.

Burime zyrtare nga Policia e Kurbinit kanë bërë të ditur se kanë mundur të zbardhin ngjarjen e rëndë dhe të identifikojnë dy autorët e dyshuar të ngjarjes.

Të shpallur në kërkim për plagosjen e Edon Martinit, janë G. R., 21 vjeç dhe A. M., 25 vjeç.

Njoftimi i Policisë së Kurbinit:

Policia e Komisariatit Kurbin zbardh ngjarjen e ndodhur dje në Laç,  ku mbeti i plagosur me armë zjarri shtetasi E. M.

Identifikohen dhe shpallen në kërkim autorët e dyshuar të identifikuar.

Policia e Komisariatit Kurbin, nën drejtimin e Prokurorisë së Rrethit Gjyqësor Kurbin,  menjëherë pas ngjarjes ngriti një grup të posaçëm hetimor për zbardhjen e rrethanave të  ngjarjes, identifikimin   dhe kapjen e autorëve.

Falë veprimeve të shpejta dhe profesionale të kryera nga grupi hetimor, u bë e mundur zbardhja e  dinamikës së  ngjarjes së ndodhur dje në lagjen nr.1  Laç, ku shkak dyshohet vijim i një konflikti për motive të dobëta ndodhur para disa javësh, i cili ka vazhduar edhe dje duke u përshkallëzuar në  plagosjen me armë zjarri të shtetasit E. M., që ndodhet në spital.

U shpallën në kërkim dhe punohet intensivisht për kapjen e shtetasve:

– G.R. vjeç 21, banues në Laç i dyshuar për veprat penale ‘ Vrasje me paramendim’ mbetur në tentativë’ dhe ‘Mbajtje pa leje e armëve luftarake dhe municioneve’

– A.M. ( L.), vjeç 25, banues në Laç për veprat penale ‘Mbajtje pa leje e armëve luftarake e municioneve’ dhe ‘Moskallëzim krimi’.

Vazhdon puna policore  intensive për kapjen e tyre si dhe materialet procedurale në ngarkim të tyre iu referuan Prokurorisë së Rrethit Gjyqësor Kurbin për veprime të mëtejshme.

Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

SHQIPERIA IME GRUP