Pasi shkëlqeu në triumfin historik të Liverpoolit në finalen e Ligës së Kampionëve, Mohamed Salahu u përfshi edhe në një moment qesharak me një gazetare në fushën e lojës në “Wanda Metropolitano”.

Me medaljen e artë në qafë, Mohamed Salahu ishte duke e dhënë një intervistë për një gazetare , pas fitores në finale të Ligës së Kampionëve. Në një moment, gazetarja i afrohet egjiptianit për t’ia bërë një pyetje, por Salahu mendon se ajo po tenton ta puthë, transmeton Gazeta Express.

Salah shënoi golin e parë në fitoren 2:0 të Liverpoolit kundër Tottenhamit në finale të Ligës së Kampionëve në Wanda Metropolitano.

29-vjeçari ishte në mesin e lojtarëve që shkëlqyen për të kuqtë mbrëmjen e së shtunës, duke i ndihmuar Liverpoolit për ta fituar titullin e gjashtë evropian.

“Unë kam flijuar shumë në jetën time për një karrierë në futboll. Të jesh egjiptian dhe të arrish në këtë nivel është diçka e jashtëzakonshme”, tha Salah.

Sulmuesi egjiptian u lëndua në fillim të finales së vitit të kaluar, të cilën Liverpooli e humbi ndaj Real Madridit.

“Të gjithë jemi të lumtur. Unë jam shumë i lumtur që pata rastin të luajë në finalen e dytë radhazi në Champions dhe që më në fund luajta 90 minuta”, shtoi ai.

Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

SHQIPERIA IME GRUP