Mesut Ozil i dorëzoi presidentit Erdogan ftesën për dasmën e tij gjatë një takimi mes tyre në aeroportin “Ataturk” në Stamboll. Ozil shoqërohej në këtë takim dhe nga e fejuara e tij Amine Gulse, Mis Turqia në vitin 2014, aktore dhe modele. Një takim i ngjashëm mes tyre afro dy vite më parë në Londër, shkaktoi një reaksion futbollistiko-politik.

U desh paraqitja e dobët e përfaqsueses gjermane në Botërorin e Rusisë, që Ozil të sulmohej nga oponioni vendas për raportin e tij me Erdogan, gjë që çoi në aktin e dorheqjes nga ekipi kombëtar. Tashmë, i lirë nga kjo “përgjegjësi”, turku i Arsenalit e fton presidentin e vendit të origjinës në dasmën e tij.