Shifrat dramatike që vijnë matanë kufirit kanë qenë temë e panelit në emisionin “Java” në RTSH. Bëhet fjalë për 180 shqiptarë të vrarë në rrethana të ndryshme në Greqi, që prej vitit 1991.

Ndërkohë, për herë të parë, gazetari Artan Hoxha bëri publike detaje nga çfarë pritet në ditët në vijim. Duket se data 8 Dhjetor do të shënojë sërish tensione në fshatin Bularat teksa mbushen 40 ditë nga ekzekutimi i Kostandin Kaçifas.

“Një peligrinazh po tentohet të mbahet në Bularat. A do ta pengojnë autoritetet tona dhe a do të hynë sërish në Shqipëri personat e shpallur non grata? Kjo mbetet për t’u parë” – tha Hoxha.